واصل هشتاج “#محمد_علي_فاضحهم” تصدر موقع تويتر، بالتزامن مع استمرار رجل الاعمال محمد علي نشر فيديوهات تفضح فساد قائد الانقلاب العسكري عبد الفتاح السيسي وعائلتة وعصابة العسكر، وأكد المغردون أن تلك الفيديوهات هزت بشدة أركان عصابة العسكر وأذرعه الإعلامية وفضحت فسادهم وسرقتهم لأموال الشعب المصري الذي طالما طالبه السيسي بالتقشف والتبرع ولو بجنيه ووبخه بمقوله “انتو هتاكلوا مصر يعني”.

وكتبت محمد سالم: “على مصر المستقبل أن تتحمل تسديد فواتير ضخمة تعمدوا أن يكبلوها بها لتسقط.. فاتورة القروض الأجنبية وفاتورة الفساد، مع حرمانها من أهم ثرواتها ومواردها.. حتى وإن تحررت من العسكر.. ستظل مهمة الإنقاذ غاية في الصعوبة، أو هكذا أرادوها حتى يتحقق أمن الصهاينة”، مضيفا: “المشروع من وزارة العدل.. خصم 15 % دمغات وكراسات شروط، المشروع تنفيذ الهيئة الهندسية.. 30% سمسرة وإتاوة، المشروع تتعاقد عليه شركة مقاولات… 30% سمسرة، المشروع ينفذه مقاول من الباطن.. 25% مكسب، ما يتبقى لعمال المحارة والمعمار… يادوبك مصاريف الفول والطعمية وبس”.

وكتب خالد العشري: “دا كمان طلع عندهم قهاوى..ناقص كمان يسرحو شحاتين تبعهم وكلها سبوبه بتدخل فلوس”، فيما كتبت هند: “موسى يقول أدعم جيش بلدك وكأن محمد علي جاب قوات مرتزقة لغزو مصر، وكأن محمد علي صاحب الحملات الفاشلة في سيناء الذي يديرها السيسي (مع) تنظيم الدولة، وكأن محمد علي معاه صواريخ عابرة للقارات هتضرب فيلات انتصار في المعمورة والعلمين والمنتزه والهايكستب.. يافجره”، وكتب أحمد عبدو :”هو ازاي دخل الجيش وهو أوزعة صحيح؟”.

وعلق محمد علي على صورة جندي يبيع خضار في أحد الشوارع، قائلا: “سيبك من أي خلاف بينا وبين العسكر، أنا هسألك أنت، هل أنت راضي علي منظر زي ده؟ أنت شايف أن ده دور الجيش؟ شايف أن أي حد يدخل الجيش ويضيع كام سنة من عمره عشان يبيع خضار ومكسبه يروح للواء فلان ولا علان!! أنت راضي عن البلد وحال جيشها،طب أنت راضي عن نفسك؟!”.

فيما كتبت فوفا: “فضيحه عالميه مش ف الوطن العربي بس”، وكتب عسل أسود: “وزير الطاقة السوداني دخل الوزارة لقيهم عاملين له استقبال زايد شوية من فلوس الوزارة دفعهم حق اليله كلها، ودا الفرق بين اللي بيخاف علي فلوس البلد و بين اللي بيصرف من مال سايب”.

وكتب شريف عثمان: “كده فاضل عساكر تطلع المواصلات تحطلك امشاط وفلايات وسبح على حجرك وتعدي تلمها تاني.. ايه المناظر الوسخة دي؟ كفاية إهانة للقوات المسلحة بجد”، فيما كتب مسلم: “الفيديوهات حتى لو ماعملتش أي حاجة إلا أنها تهزأ السيسي وجنرالاته وتمرمط بيهم الارض وتكسر الهالة اللي بقالهم ٦٠ سنة يصنعوا فيها بأفلامهم وأكاذيبهم وإعلامهم – دا يبقى إنجاز كبير أوي يشكر عليه محمد علي مهما كانت دوافعه”.

فيسبوك