كتب- مروان الجاسم:

وجهت والدة ضحية الدرب الأحمر الذي قتل على يد أمين شرطة رسالة إلى عبد الفتاح السيسي قائد الانقلاب العسكري؛ قالت فيها: "لو ترضى على ابنك كده احنا نرضاها".

 

وقال والده: "احنا انتخبناه عشان يجيبلنا حقنا، حقي وحق ابني اللى ملوش ذنب، عيل بينزل من صباحية ربنا بيسعى عشان ثلاثين أو أربعين جنيه وشغال سواق على عربية مش بتاعته.. ويجي واحد ملوش لازمة عشان بيقولوا انت دوختني بقالك ساعتين يقولوا انزل ويضربوا بالنار فى راسه".

 

وأضاف: "يهودي هو ولا إسرائيلي.. ولا عشان هو بيتحامى في بدلته.. أنا عايزة حقي من رئيس الجمهورية".

 وفي فيديو آخر حمَّل والد محمد علي السيسي المسؤولة عن دم ابنه، مهددًا بالقيام بثورة ثانية، متبرئًا من السيسي في حال ضياع حق "دربكة".

وقال خلال البرنامج نفسه: "إذا كان عبدالفتاح السيسي يرضى بكده إحنا منرضاش بكده، إحنا هنقوم بثورة تانية، ورب العزة نقوم بثورة تانية، هو لازم يعرف كده.. إحنا كده هنتبرا منه".

 

وأضاف: "ابني راح علشان واحد تافه ما يسواش حاجة، وذنب ابني في رقبة السيسي، وحقه لازم يرجع".

 

ولفت إلى أن السيسي "بيجمع الشرطة ويحطهم تحت باطه، وبييجي علينا علشان الشرطة".

أما زوج عمة القتيل فقال: "المسئولين ثبتونا وقالوا هنجيب حقكم، ولم يأتوا لنا بشيء".

 وأضاف: "احنا جبنا السيسي علشان يحمينا من الشرطة.. لكن هو كدة جاي علينا علشان الشرطة.. علشان هما بيحموه".

وقال: هما مسئولين انهم ياخدوا مننا كل يوم واحد، وطول ما فيه فيلم هي فوضى مفيش حاتم بيتحاكم، والحدق يفهم يا حكومة.

وأضاف: "يا باشا نفس المنظر ده حتيجوا تاخدوا مننا واحد تاني، عشان هما على هواهم كل يوم واحد مننا يسقط".

واستنكر أحد أصدقاء القتيل الشاب محمد علي، المشاركين في جنازة ضحية الدرب الأحمر، تجاهل عبدالفتاح السيسي قائد الانقلاب العسكري لحضور جنازة الضحية قائلا: ياعم ابعت واحد يجي يحضر جنازته، فالح تحضر جنازة بطرس غالي ومحمد هيكل طب ابعت ابنك يا عم يحضر الجنازة، بس مش حيحضرها عشان الواد غلبان". 

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = “//connect.facebook.net/en_US/sdk.js#xfbml=1&version=v2.3”; fjs.parentNode.insertBefore(js, fjs);}(document, “script”, “facebook-jssdk”));

شاهد .. أحد المشاركين في جنازة السائق الذي قٌتل برصاص أمين_شرط…

شاهد .. أحد المشاركين في جنازة السائق الذي قٌتل برصاص #أمين_شرطة في #مصر : " ابعت حد يحضر الجنازة حتى لو ابنك ، فالح تحضر جنازة #هيكل و #بطرس_غالي "#الدرب_الأحمر#الثورة_اليوم

Posted by ‎الثورة اليوم‎ on Friday, February 19, 2016

 

 

Facebook Comments