بالفيديو| مصرى فى رسالة لـ”منتدى الشباب”: وصلوا صوتى للعالم

- ‎فيأخبار

كتب حسن الإسكندراني:

نشر نشطاء عبر "يوتيوب" فيديو يلخص رسالة أحد شباب مصر إلى "منتدى شباب العالم" الذى تقام فعالياته الآن بمدينة شرم الشيخ جنوب سيناء ولمدة أسبوع.

وجاء فيها:
ازيكم يا شباب، عاملين ايه، أنا شاب زيكم عندى 20 سنة، عينىى فتحت على ثورة يناير على أحلى بلد فى الدنيا، طموحى مكنش له حدود، ولما كبرت وكبر الحلم معايا اتحول لكابوس.

وأضاف: صوتى تم كتمه، بعدما وجدت نفسى مع 40 ألف شاب فى معتقلات عبدالفتاح السيسى، كل تهمتنا إننا عاوزين نتكلم.. زى ما انتو بتقولوا #WeNeedtoTalk.. رسالتى دى أمانة فى رقابكم وصولها للعالم، إنى لسه بصرخ وبقول "لأ".. ولسه بحلم وبقول لا للمعتقلات والتعذيب والقهر.. لأ لضياع مستقبل الشباب.. وحفضل أحلم إن بكره أكيد جى".