فيديو.. ماذا قال سائق التوك توك في أول ظهور له؟

- ‎فيأخبار

كتب- حسن الإسكندراني:

 

أنا كويس وبأشكر كل اللى وقف معايا وساندني لتعاطفهم معايا، هكذا بدأ سائق التوك توك حديثه بشعر قصير ووجه شاحب اللون بعد أيام من اختفائه المفاجئ عقب حديثه الشهير في الشارع والذي أظهر ضجة كشفت الانقلاب وعرته في عدة دقائق.

 

وأضاف مصطفى عبد العظيم، خلال حواره مع صحيفة "المصري اليوم" الموالية للانقلاب، أمس السبت: أنا بخير وحيى أرزق وشغال ومفيش أي مشكلة، ومفيش حد من الأمن جاء إلي.. ولا حد سألني ولا سأل أهلي ولا جه عندنا".

 

وتابع: أنا شغال زي الفل ومفيش أي حاجة وباقضي حاجاتي كلها عادي والحكومة لو عايزه حد حتجيبه.. أما بالنسبة للشائعات مش بتفدني أنا إنسان بسيط.

 

وأشار: لو عاوزين مواقع رسمية ممكن تعرفوا منها أي حاجة ممكن تدخلوا على السوشيال ميديا مثل موقع رئاسة الوزراء وموقع القوات المسلحة وموقع الداخلية، أنا لم أعتقل وفيه حاجات مهمة أكثر من مصطفى زي الشهدا اللى بيموتوا كل يوم نشغل دماغنا بيها ونشوف أسرهم؛ لأن انت كدا بتلعب بمصر ومحدش ينفع يلعب مع مصر، لأن محدش ينفع يلعب مع أمه.