بالفيديو| متصلة تفضح السيسي: دي آخرتها.. عيالي يناموا من غير عشا؟!

- ‎فيأخبار

 كتب- حسن الإسكندراني:

محدش بينام من غير عشا.. لكن عندما تتحدث عن حكم عسكري فإن هناك جديدًا قاسيًا ومؤلمًا، مصريون لم يجدوا من يحنو عليهم حتى في أبسط مناحي الحياة الطبيعية الطعام والشراب.

 

فقد قالت متصلة حول الحالة الاقتصادية للمواطنين: إحنا أصبحنا مشلولين الدعم مش معدومين.. اتشل خالص وجاله شلل رباعي واتكسح كمان.

 

وأضافت في مداخلة هاتفية مع برنامج "العاشرة مساء" على فضائية "دريم" السبت، ردًا على حديث محمد نبوي، المتحدث باسم حركة تمرد بأن مفيش حد فى مصر بينام من غير عشا ..حيث قالت: أقسم بالله عندى 3 ولاد "نايمين من غير عشا" وبناكل بالسلف ومديونة وطالع عينى كل يوم، وجالى حالة عصبية كل يوم فى الـ24 ساعة بقيت أضرب فى عيالى الثلاثة اللى اعمرهم 8 و9 و10 سنين.

 

وتابعت: جوزى أرزاقي بيشتغل يوم و10 أيام بدون شغل، والله بقالي يومين ما أكلت، والله بناكل بالسلف والدين، ومش لاقى شغل أصلاً..كل يوم أقول يا رب، وهي بتزيد قرف، والله مدفعتش مصاريف الدراسة بتاعت عيالي الثلاثة حتى الآن ومتبهدلين في التعليم والصحة وفي كل حاجة.

 

وقالت موجهة نداءها إلى قائد الانقلاب عبد الفتاح السيسي: هي دي آخرتنا نطلع نتسول على القنوات الفضائية كدا؟!.. أنزل اشحت بعيالى ووالدى متوفى، وسط حالة بكاء مستمرة منها وشلل تام من الإعلامى وائل الإبراشي والحضور بالأستوديو.