مأساة عمال اليومية بين “طناش” حكومة الانقلاب و”شبشب داليا البحيري”!

- ‎فيسوشيال

حالة من الغضب انتابت منصات التوصل الاجتماعى، عقب تغريدة داليا البحيرى بطلة مسلسل “يوميات زوجة مفروسة” التي سبَّت فيها عمال اليومية الذين يضطرون للنزول إلى العمل بشكل يومي، مهددة بأن من يحدثها عنهم سوف تضربه “بالشبشب على بقه” كما وصفتهم بأنهم “شحاتين” ولا يريدون العمل طول السنة.

وأضافت – عبر صفحتها على “فيسبوك” -: “مبقاش أنا محبوسة في البيت أنا وأهلي داخلين على 36 يوم وزينا ناس محترمة كتير، ولو لا قدر الله حد فينا تعب مانلاقيش سرير في مستشفى عشان واحد حيوان كان مقضيها خروج بيتفسح ولا كان على باله اللي احنا فيه”.

كما أهانت الشعب المصري كله حين قالت: “ده شعب ملوش كتالوج ده لازم يتربط في رجل السرير مش يتحبس بس”.

وعقب الهجوم الذي تعرضت له بسبب التغريدة قامت “البحيري” بحذف حسابها كله!

إهانة للمصريين

وأشارت في تدوينتها: “حظر كامل “…..” لو سمحت أرجوك، واللي حيقولي العمالة اليومية حديله بـ”الشبشب على بقه” أنا فاض بيا! أولا معظم المؤسسات الخيرية -وبقول معظم مش كل- بدءوا يشحتوا عليهم من قبل ما رمضان يبدأ، فمحدش يقولي مش حيلاقوا ياكلوا، وكتير منهم بنتحايل عليهم يشتغلوا أصلا طول السنة! خلينا صادقين مع نفسنا شوية كدة والنبي! واللي بيشتغلوا في مصانع على عيني وراسي يتعملهم إقامة داخل محل عملهم! غير كدة احنا رايحين في داهية”.

وواصلت: “لحد دلوقتي ماشيين بستر ربنا ومجهودات الدولة العظيمة اللي اتعملت في الأول، بس والله العظيم ده شعب ملوش كتالوج ده لازم يتربط في رجل السرير مش يتحبس بس”.

كيف ستشعرين بهم؟ 

وهاجم الكثير من رواد مواقع التواصل ما قالته داليا البحيري، معتبرين ما قالته تعبيرا عن أخلاق دولة العسكر التي ارتمت في أحضانها؛ حيث كتب محمد العامر: “لما تبقى فلوسك أصلا حصاد متعة ولهو.. اللي زيك يحس بالعمالة اليومية ازاي صحيح”؟

https://twitter.com/1fa03dfe9e2b47e/status/1249998390244651009

وكتب “مهذب السلاموني”: “انتي بتتكلمي علي اللي طالعيين يتفسحوا مش الناس اللي بتطلع تجري على أكل عيشها فيه فرق.. اكلمك على فئة انتي متعرفيهاش اللي طالع يشتغل وعماله يوميه بيخلص يومه وبيروح بيته لانه تعبان من الشغل.. اللى نايم طول اليوم وصايع بيطلع يتفسح لانه مرتاح طول اليوم وطالع يدلع”.

https://twitter.com/Gaser21656463/status/1250010484167892994

وغرد حساب “الجنوبي”: “الوضاعة عندما تتجسد في شخص ما فإنها تتجسد على صورة مشخصاتي لا قيمة له من الأساس”.

https://twitter.com/l6OGB1jpIPuyYML/status/1250026448825524226

تبعه زيزو صلاح فقال: “انتي وحده رخيصة متعرفيش حال الناس دى وانتى اكتر وحده عايزة تاخد بشبشب”.

https://twitter.com/zezosal18294098/status/1250001952991318018

وكتب ميجو سالى: “كان فى أسلوب كلام أرقى من كدة… بس يظهر انتى ماتعرفيش … تعرفى بس لغة الشباشب… خسرتى ناس كتير من اللى بتشوفك مجبرة عشان بتحب ناس تانية معاكى فى العمل”.

https://twitter.com/megosale7/status/1250014118041485314

“شيمواه” غردت: “الحق مش عليكى لكن على الناس اللى عملتلك قيمة وبتتفرج عليكى”.

فى حين قال أحمد طه: “طبعاً داليا البحيري مش هنتكلم عن رجال الأعمال اللي أجبروا الموظفين ينزلوا، ولا عن الحكومة اللي شغلت القطاع الخاص، ولا عن الممثلين وشركات الإنتاج اللي بيصوروا مسلسلاتهم حتي الآن.

إنما اللي هيتكلم عن الغلابة هنديله بالشبشب. قفلت الأكونت، وشوية وتطلع تقولك كان مسروق”.

https://twitter.com/ahmed_taha25jan/status/1250029953539870722

استبعاد 500 ألف عامل

حسب آخر تقرير للجهاز المركزي للتعبئة العامة والإحصاء في مصر، ارتفعت معدلات الفقر في البلاد لتصل إلى 32.5%، ما يعني وجود أكثر من 32 مليون فقير يواجهون أعباء الحياة يوما بيوم، حيث يعتمد ملايين المصريين على العمل اليومي غير النظامي.

وبحسب بيانات الجهاز المركزي للتعبئة العامة والإحصاء، يوجد 11.85 مليون عامل (عمالة غير منتظمة) من أصل 25.7 مليون مشتغل، ولا يتمتعون بتأمين صحي أو معاش اجتماعي، وأجور منتظمة.

وأمس بدأت وزارة القوي العاملة فى حكومة الاانقلاب، في صرف منحة العمالة غير المنتظمة المتضررة من تداعيات فيروس كورونا، والتي تبلغ 500 جنيه لمدة 3 أشهر لنحو مليون و400 ألف مستحق.