الإسماعيلية -خليل ربراهيم
كثر الحديث في الشارع الإسماعيلى فى الآونة الأخيرة حول مشروع نفق الثلاثينى الذى تنفذه شركة ألمانية ليسلم فى ٣٠ يونيو القادم .وقال مصدر بالتحالف الوطنى لدعم الشرعية بالإسماعيلية أن فكرة المشروع صائبة ومطلوبة وكان قد حصل على الموافقة بتفيذها المهندس صبرى خلف الله أثناء عضويته بالكتلة البرلمانية للإخوان المسلمين فى دورة ٢٠٠٥ وأضاف المصدر : الانقلاب العسكرى يسرق إنجازات الإخوان ويفشل فى تنفيذها .
وفى نفس السياق قال فوزي على -مواطن-: القوات المسلحة عاوزانا نسلمه فى 30/6 والذى ينفذ المشروع شركة ألمانية واللى ممول المشروع ده الإمارات مقابل الأرض اللى أشترتها من مصر يعنى أرضنا بتتباع للإمارات والجيش هو اللى بييع -يعنى عواد باع أرضة -والجيش عاوز يسلم فى 30/6 لصالح السيسى والانتخابات والشركة المنفذة ألمانية يعنى مش مصرية أقولكم حاجة مبروك عليكم ناموا وشخروا وكلوا على قفاكم البلد بتتباع ولما تصحوا أرقصوا وغنوا تسلم الأيادى .
وأضافت مروة صلاح :النفق ده كارثة جت منه أضرار لحد دلوقتي أكتر من الفوائد اللي هيقدمها ،معطل أكتر منطقة حيوية في البلد ،معطل مصالحنا عشان مفيش عربيات بتدخل يعني لو هاروح مشوار في عشر دقايق بروحه في نص ساعة ،واه بقي لو روحت السوق لازم أمشي كل ده لحد السلم الأزرق بكل الشيل دي عشان أركب تاكسي .وقال سعد محمد -صاحب أحد المحلات المتواجدة في شارع التلاتيني -الله يخرب بيوتهم خربوا بيوتنا أنا كنت بقفل الساعة 2 بليل دلوقتي بقفل م الساعة 7
ده اليوم اللي فيه زباين واحنا بقالنا 8شهور ع الحال ده و مش عارفين أخرتها امتي ربنا ينتقم منهم. و أشاد يوسف ابراهيم -مواطن -بالمشروع قائلا :النفق في حد ذاته هيخدم البلد بس دلوقتي زاحم البلد بشكل بشع مش كفاية الجيش مقفلين كل البلد حولين المنشآت وبعدين قبل ما يقفلو شارع حيوي زي ده المفروض كانوا وفروا طريق بديل للسيارات .
وقالت أم عمر- مواطنة -قالوا هيخلص بعد 6 شهور وإحنا اهه بقالنا 8 شهور ولسة ولا خلص حاجة فيه معطل حركة السير جدا جدا وبنضطر نلف لفة كبيرة جدا عشان نوصل للموقف .
وأضاف محمد سعيد :الغريب ان في انباء دلوقتي بتقول انهم مش هيردموا الجزء العلوي عشان مفيش امكانيات يعني هنفضل في وقف الحال ده كتير. وقالت مريم أحمد:أنا ساكنة في المحطة الجديدة وعشان أروح البيت بتكون بالنسبه لي معجزة، بتطلع روحي عقبال ما ألاقي تاكسي يوافق انه يوصلني وقف حالنا "
