كتب- أسامة حمدان:
أثارت الإتاوات الجديدة التي يفرضها قائد الانقلاب العسكري عبد الفتاح السيسي تحت مسمى "ضرائب" على الشعب المصري غضب وسخط وسخرية كثير من الناشطين .
ونشر "مغامرات مهيطل" فيديو ساخرًا من السيسي يطالبه فيه بفرض المزيد من الضرائب، مستهزئًا بسياسة الانقلاب التي تنهب المصريين.
وقال في الفيديو:
اعمل ضريبة على الكلام .. و على السلام
و الابتسام
و اعمل ضريبة على إبراهيم .. علشان بيشبه أخوه حسام
اعمل ضريبة على اللي دقنه طويلة جداً
و خد غرامة من الديوك
ازاي بدون تصريح بتدن
اعمل ضريبة على اللي ميت م المرض
لأنه مش لاقي الدوا
و اعمل ضريبة على اللي ماشي وهو ساكت
ماهو ماشي يتنفس هوا
افرض ضرايب ع السعادة
سميها تمن الانبساط
و خد اتاوة من اللي نايمين ع البلاط
اعمل ضريبة على الفقير
لو كان بيتمنى انه يمشي جنب قصر
و اعمل ضريبة على اللي ينطق اسم ( مصر )
اعمل ضريبة على النجوم
علشان بتطلع في السما
و اعمل ضريبة على العيون
مش برضو احسن م العمى ؟
