كتب حسن الإسكندراني:
كشف نشطاء سيناوييون عن أن حكومة الانقلاب قررت منع مواطني شمال سيناء من دخول معديات قناة السويس والفردان، لمحافظات الوادي مستمر حتي يوم 7 يناير المقبل.
وأضافوا فى تصريحات صحفية، اليوم الأربعاء، أن إحدى السيدات قالت: الصبح كنت مسافرة من العريش وبعد ما عدينا من المعدية بنصف كيلو وقفونا وسألونا: جايين منين؟ قلنالهم العريش قالوا: لف وارجع تاني وكل السيارات اللي كانت موجودة رجعوها لكن أي حد مريض ممكن يدخلوه.
فى سياق متصل، نشر الصحفى السيناوى، أحمد أبودراع، صورًا قال إن الحكومة تحارب الشباب فى قوتهم وتدفعهم للقهر وللبطالة والجلوس على المقاهى، ليزداد قهرهم مرتين بعد الخسائر المتتالية.
وأرفق "أبودراع" صورًا لمسئولى مدينة العريش وهم يقومون بتكسير المحال التجارية للمواطنين بزعم مخالفتها قائلاً: حاربوا الشباب في أكل عيشهم، حاربوهم وطفشوهم، حاربوهم وخلوهم يقعدوا ع القهاوي، حاربوهم وزودا عدد البطالة عشان يكونوا عرضة للأفكار التانية ويصبحوا قنابل موقوتة، حاربوهم وقهروهم على شقى عمرهم.
وأضاف: مش كفاية الحال متنيل بستين نيلة كمان بتزودوا مخاسرهم، وأردف: رئيس مجلس مدينة العريش مش لاقي شغلانة يشتغلها قام واخد رجالته ومعاهم المعدات وقاموا بهدم وتكسير محلات تجارية بالعريش بحجة التعديات، وطبعاً مفيش بديل ولا يحزنون واللي يعترض يخبط راسه ف الحيط.
