هاشتاج “التعويم الجديد” يتصدر قبل ظهور نتائج اجتماع “المركزي” ومغردون: الانهيار مستمر

- 30 مارس، 2023
- ‎فيسوشيال

احتل هاشتاج "التعويم الجديد" منصات التواصل الاجتماعي قبل ظهور نتائج اجتماع البنك المركزى المصري الجديد المتوقع أن يشهد رفع سعر الفائدة، رغم أن العديد من المصادر أشارت إلى أن الاجتماع ربما لن يسفر اليوم عن رفع للفائدة.

وتوقعت 3 مؤسسات مالية دولية ومحلية مورجان ستانلي وHSBC وإتش سي رفع البنك المركزي سعر الفائدة بنسبة تصل إلى 3%، في ثاني اجتماع للجنة السياسة النقدية اليوم الخميس، بهدف كبح جماح التضخم المتصاعد (السيطرة على زيادة أسعار السلع) بعد تسجيله رقما قياسيا.

فى المقابل، زعم مجلس وزراء الانقلاب أن رفع البنك المركزي لأسعار الفائدة يساهم في السيطرة على التضخم، عبر تشجيع الأفراد على الإدخار والحد من قدرة البنوك على الإقراض!

ونقلت وكالة "رويترز" عن المحلل في بنك سوسيتيه جنرال، جيرجيلي أورموسي، قوله إن السماح بتخفيض آخر “واسع النطاق” لقيمة الجنيه مجرد مسألة وقت، خاصة وأن العقود الآجلة للدولار تتداول عند 40 جنيها.

كانت لجنة السياسة النقدية بالبنك المركزي المصري قررت في اجتماعها 2 فبراير 2023 إبقاء سعر الفائدة على الودائع والإقراض لليلة واحدة دون تغيير عند 16.25% و17.25% على التوالي، بعد أن رفع المركزي أسعار الفائدة بنسبة 8% خلال عام 2022 آخرها 3% في ديسمبر الماضي.

 

استمرار الخراب 

وعبرّ نشطاء عن غضبهم من الكوارث الناتجة عن مشاريع وقرارات حكومة الانقلاب التي أوصلت البلاد إلى أزمة حادة على المستوى الاقتصادي والاجتماعي والسياسي.

وكتب "محمد": "لو كانت القروض استغلت في عمل المصانع لتعديل الميزان التجاري لما اضطررنا لتخفيض قيمة الجنيه ولا كان هناك فجوة دولارية ولكنه غباء العسكر المعهود في إدارة الدولة".

وكتب "محمود علاء": "رفع الفايدة ٣ في المية، إصدار شهادات جديدة من ٢٥ إلى ٣٠ في المية، تعويم الجنيه من ٣ إلى ٥ جنيه زيادة. 

أما ميما فقالت: "مستثمرين الخليج وهما مستنيين التعويم الجديد عشان يدخلوا يشتروا اللي فاضل من البلد واللي يلحق بقي".

وقال ناشط: "شوفت بقي لما رقصت ع بشرة خير وطبلت لمسلسل الاختيار وبقيت تستني اجتماع البنك المركزي عشان يعوم الجنيه ودانك طولت إزاي".

 

وكتب عمار العربى: "دا لا كلام #محمد_ناصر ولا #مكملين

ولا #معتز_مطر و #قناة_الشعوب

دا كلام قنوات #السيسي وخبراؤه

التضخم المعلن في مصر في فبراير 40% ومتعداش في أوروبا 8%

داحنا عايشين بالستر والله اسمع يا #احمد_موسى

#الدولار #الجنيه_المصرى #البنك_المركزى_المصري #التعويم_الجديد #الذهب

 

وأضاف سمير علي: "يا ترى رد أبطال مسلسلات والأمن الوطني اللي عاملين فنانين على #الشعب_المصري الغلبان.. انت عارف يعني إيه خسارة 1.5 مليون فدان من أراضي مصر الزراعية المتناقصة بالأساس باعتراف وزير الري بتاعكم !!

وانت يا مواطن.. مستني إيه؟ ح تخاف تاني على إيه؟ مستني التعويم الجديد ؟

 

وكتب "الرادار المصري": "لو مستني التعويم الجديد من #البنك_المركزي وعايز تعرف #الجنيه_المصري هيروح فين. متنساش تدعي على هؤلاء الخونة الذين اضاعوا مصر وخربوها!

 

واستطرد صاحب حساب "دِقٌرٍ": "مرة واحد قعد 50 سنة يدرس يعنى إيه دولة خابر بعد كده عمل إيه؟!

* عمل إيه؟

– باعها

المصريين بكرة بعد التعويم الجديد.. مدد يا سيدي التعويم مدد".

 

خالف تعرف

وكتب أحمد قطب المحلل المالي: "كنت نشرت توقع لرفع البنك المركزي من قبل من 300 إلى 500 نقطه أساس يوم الخميس، المشكله إن الإدارة الجديدة ماشية بمبدأ "خالف تعرف" وهي كدة مش بتحل الأزمة بالعكس الأزمة بتزيد وبتيقى مرشحة تنفجر في وشنا كلنا لنا الله".

#مصر  #الدولار #الجنيه_المصرى

 #البنك_المركزى_المصري #التعويم_الجديد

 

تحليل للكارثة

 وأضاف محمد هادي: "قبل ساعات من اجتماع #البنك_المركزي والتعويم الجديد.. النظام المصرفي المصري في ورطة ومصيبة سودة لأنه ببساطة علي موعد الأيام القادمة لسداد ما إجماليه تقريبا ٧٠٠ مليار جنيه حصيلة الشهادات اللي أصدرها قبل كده ذوات العوائد ١٨٪ و ٢٢٪ و٢٥٪ وده خراب مستعجل من كل ناحية.

-لو صرف الفلوس ديه ونزلت السوق التضخم هيزيد أكتر والأسعار هتضرب في السما وينفجر البركان.

-لو صرف الفلوس ديه وبعد الخوازيق اللي اصحاب الفلوس خدوها وفلوسهم قلت وخسروها في الشهادات ديه .. فطبيعي إنهم يدوروا علي حاجة آمنة يحطوا فيها فلوسهم وغالبا هتكون إنهم يشتروا دولار أو دهب وده هيفشخ سعرهم وبردك الأسعار هتضرب والبركان ينفجر.

-لو عمل شهادات جديدة علشان يلم السيولة ديه فعلي الأقل تكون بنسبة مساوية لنسبة التضخم واللي هي ٤٠٪ .. فهل ممكن النظام يعمل شهادات بعوائد ٤٠٪؟! وده معناه إن ٩٩٪ من القطاع الخاص هتفقل وركود بردك يخلي البركان ينفجر.

النظام ميقدرش يطبع جنيه واحد لأن في لجنة من صندوق النقد الدولي مبلطة ورقدة في البنك المركزي و"….." لو عمل كدة.

ممكن يتم إصدار شهادات جديدة بـ ٣٣٪ الي ٣٥٪ ؟؟ خراب وكارثة.

علي العموم القادم أسود من الطين لأن بلحة خربها خلاص ولسه قاعد على تلها".